Swimming sa Mambukal Resort 

Karong adlawa grabe kakapoy ang akong lawas ug pamaol ang akong gibati, pero worth it man sad tungod kay na enjoy kaayo ko sa among pag lagaw lagaw sa Mambukal Resort nga naa municipality of Murcia ug hangtod sa the Ruins nga naa sa Talisay City Negros Occidental. Dinhi, ang atong pagahisgutan mao lang ang among adventure sa Mambukal result. Ang entrance niini is 50php para sa adult ug sa studyante nga naay ikapakita nga ID 40php.

Entrance sa Mambukal Resort

Alas 5 palang sa sayo sa kabuntagon, miadto na ko sa La Carlota City aron apason ang akong higala ug bisita namo dinhi sa Negros nga gikan pa ug Samal Island, si Sir Toto dela Cruz, nga Principal sa Angel Villarica Central School sa maong Isla. Actually, taga La Carlota City gyud ni siya ug ania siya dinhi aron mobisita sa iyang igsoon ug mga kahigalaan. Ug of course usa kami sa iyang gibisita sa Masjid Al Mansour sa San Enrique.

Gikan sa La Carlota mi biyahe kami pa San Enrique kay didto naghulat ang uban pa namong mga kauban, ug mi diretso dayon mi sa Murcia ug mihapit sa ilang parish priest didto nga si Fr. Greg Patino.

With Murcia Parish Priest, Fr. Greg Patino

Gikan sa simbahan sa Murcia, mga 20 minutes drive sa among motor nakaabot dayon mi sa Mambukal Resort ug sa entrance mao kini ang among nakita.

Entrance diin nabahin ang dalan, pataas ug paubos

Dinhi nabahin ang dalan, naay padulong sa ubos ug padulong sa taas. Well, among gipili ang padulong sa taas pero ayaw ug kabalaka kay galibot ra ni sila. Kung nisaka ka didto gihapon ka libot padulong sa ubos. So either way pwedi ra. Apan sa taas naa makita nimo ang daghan kaayo nga bats nga ga lupad lupad sa ibabaw ug makakita usab kag kahoy nga napuno ug mga kabog nga halos mura na silag itom nga dahon niini. Ug naa usab ang dalan pasaka sa viewing station sa mga bats ug sa 7 falls nga kinahanglan pa nimong baklayon kapin upat ka kilometros.

Facts about flying fox or mega bats

Bat Sanctuary viewing deck

Sa unahan sa bat observation deck anaa ang spa ug ang hot sulfur bath tag 50php ang entrance ug naa sad ang hot Japanese sulfur bath nga tag 100php ang entrance. Sa likod sa sulfur bath naay sapa kung diin naa sad mga gakaligo ug libre lamang dinhi. Ug gikan sa main way, sa unahan kilid lamang sa dalan makita nimo ang adventure map sa tibook resort. Ug sa unahan lamang niini mao ang dakong swimming pool tag 50php ang entrance. Ug sa pool anaa ang mga canteens kung diin kami nikaon sa among breakfast nga puro seafoods like squids, kinilaw nga tanigui, tinolang isda nga init kaayo ang sabaw ug ang nakalahi mao ang sinugbang manok nga bisaya. Duol sa restaurant makita usab nimo ang ubos sa tulay diin daghan kaayo galupad lupad nga Balinsasayaw ug mahal daw ang pugad niini nga mahimong isagol sa usa a recipe, naa sa 900php/kilo.

Canteen— while waiting for the foods

After sa among breakfast, nangaligo mi sa pool ug didto hangtod alas 3 sa hapon. Kung wala kay pang swimming ayaw kabalaka kay naay pa rentahan diha sa kilid sa entrance nga tag 30php, mga swimming trunks, bathing suits ug mga shorts.

Swimming with sir Toto dela Cruz

So far, nindot man ang among experience sa Mambukal, limpyo sad ang ilang mga facilities bisan tuod daghan tawo sa among pagadto pero maayo ang among pag lagaw didto. Ang unique sa Mambukal mao ang mga giant flying fox nga native aning lugara. Naka adto mi sa Samal Island sa ilang Monfort Bat Cave, nga according sa Guinness World Records mao ang pinakadaghan nga bat population sa tibook kalibutan, ang mga bats dinhi nagpuyo sa mga langub apan ang bats sa Mambukal anaa ra nagpuyo sa mga kahoy ug mas dagko kini kumpara sa mga bats sa Monfort. Although pareho sila mga fruit bat family nga buot ipasabot prutas ray kaonon.

Ofuro Japanese hot sulfur bath

After sa among pag try sa ilang mga serbisyo, human sa among pagkaligo ug langoy langoy sa pool nag decide mi mopauli. Nanglupad na ang mga bats sa ibabaw sa langit kay gadag-um ug kaulanon na. Sa among pag exit didto mi niagi libot sa dalan sa ubos diin makita nimo ang slide ug ang boating lagoon.

Dahon? look closely, mga kabog ang uban diha

Ug na abtan mi sa kusog nga ulan, unexpected kay init man kaayo ang panahon sukad sa mga niaging mga bulan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s