Pagpanaw ngadto sa Jordan 

Naka desisyon na ako human sa pipila ka tuig nga pagtinar sa gingharian sa Saudi Arabia nga mo pauli ug sa pinas na magpadayon sa akong misyon sa pagtudlo ug pagpaabot sa Islam sa mga tawo. Ug sa dihang nahiduol na ang akong pagpauli, nakig sabot ko sa akong suod nga higala, si Sheikh Alimudin Elias, usa ka magtutudlo ug da’iyah nga anaa nagtinir sa balaan nga lugar sa Tan’em, Makkah Al-Mukarramah, nga molaag sa boundery sa Saudi ug Jordan. Ug kay laagan man sad ning akong higala nagkasinabot gyud mi nga moadto didto ug itunong namo nga nagsugod na pag ulan ug niyebe kay usa ka talagsahon nga senaryo ra intawon nang makakita kag disyerto nga napuno niini.Tuod man, sa pagkadungog namo sa balita nga niulan na ug niyebe sa boundery, dali dali gyud dayon kaming nag impake ug gisugdan ang among pagbiyahe. Gikan sa Makkah ni biyahe si Sheikh gamit ang iyang bag-ong sakyanan nga toyota Yaris samtang ako naghulat kaniya sa siyudad sa Yanbu. Ug gikan sa Yanbu mihapit kami sa mga probinsiya Al-Wajh ug Al-Umluj diin duna kami mga higala nga mga da’iyah usab. Ug mideretso kami sa lungsod sa Tabuk ug didto nagtinir sa Islamic and Guidance Center nila kung diin naka base ang among higala nga da’iyah nga si Sheikh Ahmad Espinosa. Sobra napulo ka oras ang anong pagbiyahe tungod sa mga stop over. Mao kini ang ikaduhang kasinatian nako sa pagbisita niini nga lungsod.

Al-Wajh stop over and the red sea

Pagkagabii gidala kami nila sa usa ka restaurant sa Tabuk nga anaa duol sa dagat. Gikan sa Tabuk, miadto kami sa Tabuk Airport ug nag renta kami ug sakyanan nga Nissan Sentra tungod kay ang Yaris kinahanglan makapahulay ug tungod sab kay medyo tungason ang bukid nga among agian.

Tabuk Airport with Abu Nadiyah

Gikan sa Tabuk nibiyahe kami mga ala una sa hapon ug niabot kami sa boundary sa Jordan mga pasado alas kwatro sa hapon. Aming gipangita ang snow kung asa na ug sa nabati na namo ang kapura sa pagpangita, ania ug mao ra intawon kini ang among na abtan, pasensiyahe nalang ninyo na.

Snow in the desert

Human nga natagbaw mi sa pagkakita sa maihap ra tawon nga niyebe, tungod sa katugnaw kay wala gyud mi naka andam sa among mga outfit aron makaya namo ang ingon niini ka tugnaw nga klima, nag desisyon kami sa pagpauli. Sa among pagbiyahe niabot kami sa usa ka gamay nga lungsod nga gitawag ug Taymah mga pasado alas 7 sa gabii busa didto nag desisyon kami nga magpalabay sa gabii sa usa ka hotel.

Sayo sa buntag nibalik kami sa Tabuk ug gikuha ang among mga nahibilin nga gamit kay mopauli na kami. Sa among pagpauli nihapit kami sa Al-Ula kun diin nahimutang ang Madain Saleh, usa ka UNESCO world heritage site. Mao kini ang akong ikaduha nga higayon sa pagbisita dinhi. Didto makita nimo ang mga bukid nga bato nga gihimong mga balay pinaagi sa pagbangag ukit niini. Ang Al-Ula mao ang nahimong second Capital during the Ancient Nabatean Kingdom. Ang Petras mao ang ilang Capital.

Madain Saleh Gate

Dinhi sa maong lugar daghan ka makita nga mga karaang gamit, mga balay ug bisan pa ancient well.

Inscriptions found in the railway museum

Among gilibot ang Madain Saleh kay kining akong kauban hilig man kaayo sa Photography. Bisan gusto nako mopauli kay padulong na pag sawop ang adlaw di pa gyud siya mogawas kay talagsa ra kuno ni ug sa kalayo aning lugara, sa kataas sa among gibiyahe kinahanglan suliton gyud kuno niya. Busa didto ko nagpundo sa sulod sa sakyanan samtang gahulat kung kanus-a siya mapura sa pagpaniyot sa mga maanindot nga view didto.

Karon, sa among pag gawas di na mi pagawson sa mga gwardya nga Arabo. Gipangkasab-an mi ug grabe ang pag interrogate nganong nagabin-an mi didto. Gipang ukay ang among mga gamit, pati mga bag gipang ablihan ug ang compartment sa bag gi ablihan nila. Gikuha sad nila ang among mga Iqamah. Sa kadugay sa ilang pagpangukay, nakita nila ang mga libro nga naa sa compartment sa sakyanan, mga libro mahitungod sa relihiyon ug sa Sharia busa gipangutana nila kung unsa a g among mga trabaho o kung mga studyante ba kami. Among gitubag nga kaniadto studyante si Sheikh Alimudin sa Islamic University of Al-Madina ug karon nagtrabaho na isip da’iyah ug magtutudlo sa Islamic acenter sa Makkah ug ako sad isip da’iyah ug magtutudlo sa Islamic Center sa Yanbu Al-Sinaiyah. Gitan-aw nila ang among mga Iqamah ug didto ilang nakita ang among Mihna or trabaho ug ang uban pang detalye. Kalit nga nabag-o ang ilang mga mood, nabuotan sila ug makita nimo nga ang pagduda napulihan sa pag respeto. Gipagawas kami ug gisuginlan nga kung naay trouble or modakop namo samtang kami nagbiyahe nga amo lan isulti nga gikan mi sa Madain Saleh ug sila nay bahala nga mo explain para sa amo. Mao ni ang advantage sa among trabaho kay ang mga arabo mo respeto man sa mga magtutudlo sa relihiyong Islam. Kung ila lang gi susi ang among Iqamah di wala na unta mi pangulba-e.

Lesson: di mo magpa gabii kung mobisita sa Madain Saleh.

Inside Madain Saleh compound

Paghuman nga naka gawas mi sa Madain Saleh, nidiretso mi sa City sa Al-Ula ug nag stay mi sa Islamic Center didto kung diin nakabase ang among higala nga magtutudlo usab. Pagka buntag among gilibot ang Al-Ula ug miadto mi sa sikat nga bukid nga Elepante. Ug paghuman namo pagpicture picture kadyot, among gipangita ug usa ka Shallal or Falls nga naa ra daw duol didto hangtod nga gidala kami dinhi nga lugar ug na meet namo kining mga batan-on nga mga Arabo nga maoy nitudlo kung asa ang Shallal. Pag adto namo dili man shallal kundili kanal ang among nakita.

Mga kabataan nga mitudlo sa kanal, ug ang among higala nga magtutudlo na assign sa Al-Ula

Ug mao to nga nipauli nalang kami nga wala makakita ug tubig nga nagtubod sa mga bato. Gikan sa Al-Ula mibiyahe kami pauli sa among mga lugar.

Ang Elephant Mountain ug si Sheikh Alimudin tua sa likod busy sa Photography

Kung gusto mo mobisita niining mga lugara akong tambag ninyo nga dapat naa moy kaila ug mas maayo mag stay sa mga kaila kay libre na accommodation, libre pa pagkaon hahaha.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s